BIRTHDAY! :D

aaaaaaaaand I'm 21+ :D

lalalalalalalala  :D

STOP IT!

1- إشتغلت؟؟
2- مالك؟؟
I get these two words more than good morning and good night these days!

حياة :)

هابطل أقول أنا مليش لازمة في الحياة .. أنا ليا لازمة وكل واحد اتخلق في الدنيا ليه لازمة علشان كده اتخلق أصلا
هابطل أقول أنا معملتش حاجة ف دنيتي .. لأ أنا عملت , عملت كتير ولسة هاعمل أكتر  ..
ومش هايأس..
ولا هابص للّي حاول ومانجحش 
ولا هابص حتى لنفسي لما أحاول و ما انجحش
هاحاول تاني و تالت و رابع وأنا مبسوط
واحد قاللي رزقك موجود بس لازم تروحله .رزقك مكتوبلك و قاعدلك مستنيك. ودي حاجه مطمناني.
مش هتضايق ولا هازعل من أي حاجة ..
والناس كلها حلوة وجدعة ونيتها حلوة .. وحتى إذا ماكانوش كده هاعتبرهم دايما كده
ومش هاشغل بالي بـأي حاجة تافهة .. ومش هابطل أقرأ علشان قلة القراية فعلا بتقلب فراغ وبتسيب مساحة لأفكار فعلا ملهاش أي لازمة!
ولا هابطل أكتب علشان منساش نفسي واسيبها للأفكار الغريبة دي تأثر عليها. لما باكتب بأبقى أنا بجد اللي بتكلم. بارجع للإنسان اللي هو فعلا أنا. بعيد عن كل حاجة تخليني اتشتت ومابقاش عارف أنا مين. الكتابة هي اللي بترجعني لنفسي تاني :)


خلاصة الكلام إني عندي حياة كاملة لسة قدامي علشان انبسط فيها ومش هاضيع وقت منها غير وأنا مبسوط :)

أكتب كى أهدم تلك الجدران المحيطة برأسي
كى أنتزع نفسي من ذلك الصراع القائم فى الفراغ
كى أنتشل نفسي من ظلمات بحر لا قرار له أهوى فيه بكامل وعيي وعجزى على الصمود
أكتب كى أبوح بما فى صدرى لمن لا يسمع
أشعر بموجات صوتى تتبدد فى الفراغ دون جدوى
!أ .. أشعر بإنفجاراً على وشك الحدوث فى عقلى
انهض متأكاً على ما تبقي من أمل بعيد ليس له ملامح
أملا فى الحياة , فى السعادة و الإستقرار ..
أملا يخفيه حيرة الوافع و الجهل بالمستقبل
و لكنه أمل ..

 ده كان حوار في التليفون مع موظف في مصلحة حكومية 
- لو سمحت مواعيدكم لغاية الساعة كام ؟
- للساعة 4.30 .. بس إنت عارف رمضان يعني
- يعني بتقفلو الساعة كام في رمضان؟
- يعني, إنت عارف رمضان!
- يعني إذا جتلكو الساعة 3 الاقيكوا فاتحين؟
- لأ تلاتة إنت عارف رمضان!
- اجيلكم دلوقت !؟
- الساعة كام في ايدك!؟
- 12.30
- تعااااااالي
- إذا جيت بعد ساعة اجي ؟
- تعااااالي .. تعااااااالي !

فترة الإمتحانات

 

سيناريو إمتحانات أعمال السنة من الإعلان عنها حتى الإنتهاء منها

 

أول 3 ايام: مرحلة اللا مبالاه

ولا كان الراجل قال ان علينا امتحان. الحياه ماشية عادي 

 

اليوم 4 - اليوم 5: مرحله الاستهتار

- " سمعت, بيقولوا علينا امتحان!!"

- يا عم فوكاااااااااك .. احنا فييين و الامتحان فييين 

 

اليوم 6 – اليوم 7: مرحلة شعارات الاستعداد للمزاكره

: انا خلاص هابدأ ازاكر, لازم الم نفسي .. كده مش هاينفع .. و اليومين بيضيعوا فى نفس الكلام 

 

اليوم 8: المزاكره

مزاكره بجد بقى .. يعنى الواحد يبقى عليه 100 صفحه يخلص فى اليوم ده 50 مثلا 

 

اليوم 9: الاسترخااااااااااااااء

بما انه اول مره يفتح كتاب من اول السنه. بيحس انه عمل انجاز خلاص. و لازم يستريح و يكفى نفسه من الراحه 

 

اليوم 10: ليله الامتحان

الطالب فى اول اليوم بيحاول يزاكر. و فجاه بيكتشف حقيقه ان المجهود الذهنى اللى عمله من يومين خلاه مش قادر يفتح الماده و ياخد معلومات تانى. فى الحاله دى اليوم ده بينقسم لعده أنواع 

 

1)

الاكتئاب: الطالب مالهوش نفس يكلم حد و كل اللى يكلمه يكرهه فى عيشته. و قاعد مش بيزاكر و فى اللى شغال يولع فى سجاير. و افكار متتابعه فى الانتحار و السب و اللعن فى الماده و الكليه و الدراسه. 

 

2)

التنشين: و دى مرحله مهمه جدا و اساسيه عند كتير من الطلبه. الطالب يبقى داخل

مالهوش دعوه ب اللى محدده الدكتور. الطالب منشن على شويه حاجات و خلاص بقى هو ده المنهج بتاعه. 

 

3)

التخطيط: ياترى انا هاقعد جنب مين بكره ؟؟؟؟ و تروح متصل بيه, يا فلان! انت مزاكر؟؟ طيب انا هاعدي عليك بدرى علشان نروح سوي, نسلى بعد يا راجل بدل الغلب اللى الواحد فيه ده. شد حيلك بس و زاكر كويس, أحسن تضيعنى معاك! احم, قصدى أحسن ماتحلش كويس بكره :D 

 

4)

الغباء, الهبل,استخراج المواهب, و التهيييييييييييس: تلاقيه رايق و مشغل أغانى و بيرقص و بيتنطط و بيعمل اي كلام فاضي و فى الطراوه! شويه يزاكر شويه ياكل شويه ينام شويه يتغابى .. ممكن تلاقيه بيغنى أو بيألف او بيكتب موضوع زى ما انا باعمل دلوقت .. وده تعرف انه فى كليه من الكليات العلميه على طول :D 

 

5)

اليأس: "انا كده كده فاشل!". "يا عم اسمع الكلام انا تعبان اصلا و مش هاقدر اذاكر!". "يا عم الماده صعبه .. انا مش متفائل" .. و خد من ده اليوم كله.

و فى الآخر نوما عميقا بعد الإمتحان  :D

الكلام ده اتكتب السنه اللى فاتت الترم الأول ليله امتحان أعمال سنه*

:)

a little conversation in the elevator between me and a little girl holding her cute bear:
--

me: esmek eh?
the little girl: sarah
me: f sana kam ya sara?
sara: KG1
me: el dabdoob da 7lw :)
sara: :)
me: enti msameyaah?
sara: ah :$ :)
me: esmo eh?
sara: *in a very spontaneous cute innocent way* booogy (A)
me: sa7bek??
sara: ah (A)
--
SHE WAS, mashaa' Allah, ADORABLE! :)